「日本雪糕物語」滿足一眾愛軟雪糕的你

剛從日本鳥取、岡山等地回來，去到薰衣草園就吃薰衣草軟雪糕，去到鳥取沙丘，當地最合時令的就是大梨，圓圓就嚐那用新鮮大梨味造的梨子軟雪糕，去到蒜山高原就食牛奶軟雪糕，日本的軟雪糕真係太好味啦！好彩，香港家陣都食得到了！

「日本雪糕物語」上個月經已係尖沙咀開左，有CREMIA軟雪糕同埋日本清新水果系列JAPAN PREMIUM，日本知名軟雪糕品牌NISSEI的日本濃厚系列，3種系列共14種款式，真係諗下都開心呀！「日本雪糕物語」特別引入14款日本軟雪糕，當中包括近期大熱的CREMIA軟雪糕。如絲綢般流暢的波浪形雪糕，以法式餅乾儂格酥（langue de chat）曲奇脆筒盛載，用上25% 北海道優質鮮奶油製成，滑到入口綿綿細緻的，那天試食時候，我試勻了四款超人氣CREMIA味道，金箔、宇治抹茶味以及朱古力味雪糕，仲有香港首創的金枕頭榴槤口味CREMIA，正到無朋友。

另外，仲有我最喜愛的生果系列，JAPAN PREMIUM清新水果雪糕，系列用日本新鮮當造優質水果，味道天然果味突出。被譽為日本「果物の女王」的山形縣特產La France 西洋梨，含30% 果汁成份，入口香甜清新，果味濃厚卻不失順滑口感，雪糕店更會因應日本不同時節更換不同產地的時令水果口味，包括福岡縣「甜王」Amaou士多啤梨以及山形縣「佐藤錦」櫻桃，以確保水果口味皆為當造上乘之選。除JAPAN PREMIUM的季節限定口味之外，可選擇另一款含有25% 果汁成份的嚴選日本士多啤梨軟雪糕，甚至可以將兩款口味二合為一的扭紋旋風軟雪糕，合埋一齊又好夾呀！

間店裡面個雪櫃係好多人都鍾意既雪糕產品，有16款的樂天雪條、雪糕三文治、冰凍甜品杯、雪米糍、沙冰等等，還有明治雪條、不二家忌廉泡芙及以多款新奇口味取勝的Seika產品，例如波子味雪條、水果味雪條以及含有果肉的鹿兒島南國白熊及黑熊刨冰，我自己都現場試左幾種刨冰，肚子好安份，滿足得很！

 （要暖下個胃，可以幫襯連鋪的玖子貴，吃薩摩魚餅同釀松葉蟹蓋，魚條魚蛋，超美味）

日本雪糕物語by Okashi Land

地址：九龍尖沙咀金馬倫道8號地下

營業時間：11:30 — 23:00

查詢電話：2797 9967

#日本雪糕物語 #Japanicecreamhouse