唔使飛都可以食到臺灣又靚又正嘅水果

對於圓圓我呢種國語差勁的旅遊作者，平時少去國內或臺灣等地，但其實我最喜愛臺灣的食物。依家從外國進口的生果價錢不便宜，臺灣最有名的蓮霧、甜柿、柳丁、芭樂（番石榴），都是屬於晚秋的水果，特別甜兼多汁，個個圓潤飽滿，色澤光亮，連火龍果裡面啲果肉都火紅過人。早一陣子，秋燥得利害，香港竟然濕度可以差點跟溫度睇齊，口都乾得要狂飲水，但吃些水果，就可以滋潤喉嚨，立刻生津止渴。老實講，那些貴都癲嘅香印提子我就真係食唔起了！水果，應該係人人都有能力吃得到的；平實而優質的臺灣水果就滿足到這個要求。8 號（上星期四）開始的【臺灣優質冬季水果特賣會】喺佐敦「永安百貨」地庫擺攤檔，圓圓就梗係要親身去睇下啦！

為食圓圓要親身來嚐水果。

發佈會有好多臺灣新鮮運到嘅水果。

 【臺灣優質冬季水果特賣會】位處佐敦「永安百貨」地庫，現場有多個大雪櫃放了不少新鮮運到的臺灣水果，好似深紫黑色、肥嘟嘟嘅巨峰葡萄，香甜嘅蜜瓜，清甜多汁嘅蓮霧，濃香幼滑質感嘅木瓜，來自台中嘅甜柿，連萍果都爽甜過人；點解我咁清楚，因為我出席咗發佈會，親嚐過每種水果，吃過台灣來的菠蘿炒咕嚕肉，還飲過用楊桃煲嘅雞腳湯，真係甜潤到入心啊！

原來台中的甜梓好清甜㗎！

菠蘿不似泰國的那種甜到漏，但質感爽脆，烹調用一流。

蓮霧無渣，咬落好清新。

巨峰葡萄價錢親民，唔似日本的高高在上。

發佈會好熱鬧，有來至臺灣各個供應商，香港零售商及傳媒出席。

希望多一些不同國家會來香港搞這類型嘅介紹會，讓我們多一些機會認識不同產品。

去完佐敦，再到上環「永安」，其實連九龍「永安」，兩間都在地庫的臺灣廣場都有展銷，大部份的臺灣小食做九折優惠，如今時興健康行先，所以，今次【臺灣蔬果特色小食特賣會】賣的是低油低脂的蔬果脆片，以穀物及蔬果精製而成，夠晒好味又有營養，有米造的糙米卷，零食還有很多小食好似蕃薯酥、南瓜酥、綜合果仁、海苔杏仁脆片、百香果條、葵花瓜子、綜合蔬菜片、原味秀珍菇，平日閒時坐低在家嘆杯臺灣綠茶，吃件小食最寫意。那些滷蛋、鐵蛋更時我至愛呢！

健康合脾胃的薏仁，多吃有益。

綜合蔬果脆片，一包樣樣有。

蔬果脆片少油，是小食健康之選。

滷蛋係圓圓至愛，上環店特別多款色。

食粥放一、二匙魚鬆，香脆增口感。

即日起至11月19日佐敦和上環「永安百貨」【臺灣優質冬季水果特賣會】及【臺灣蔬果特色小食特賣會】有著數，展銷期間，凡於【特賣會】及「臺灣食品廣場」買臺灣食品滿HK$299或以上（淨值及以單一機印發計算，指定專櫃除外），憑發票登入luckydraw.wingon.hk登記抽獎，就可獲抽獎機會乙次，獎品四名，有機會獲得「香港至台北單人來回經濟客位機票乙張」，詳情請參閱永安百貨抽獎活動海報（推廣生意的競賽牌照號碼51273）。

仲有「齊齊買齊齊飲」，喺「臺灣食品廣場」【臺灣優質冬季水果特賣會】及【臺灣蔬果特色小食特賣會】購買臺灣食品滿HK$199或以上（淨值），憑當日發票可獲贈天仁茗茶飲品換購券乙張（面值20元），數量有限，送完即止。

展銷期間更加有額外優惠，凡係購買臺灣指定食品，仲有九折優惠添㗎！

#永安百貨 #臺灣優質冬季水果特賣會 #臺灣蔬果特色小食特賣會 #taiwansnack #台灣水果 #Taiwanfruits #Travelwriter #blogger