如心艾朗酒店forte〈意〉戀情迷半自助晚餐
圓圓份人懶，所以唔多喜歡食要行出行入既自助餐，不過如果我去得試又覺得好食，咁水準一定唔差，仲應該係值得推介的。尋晚去左近牛頭角地鐵站既如心艾朗酒店，我都係第一次來咋！入到大堂覺得好有boutique hotel feel，黑色設計，仲有好有型既保安男啊！這間酒店的客人多是外國人，似是來工幹的。感覺沒有強國人的噪吵，蠻舒服。
這次試的是二樓Forte餐廳，用意大利為主題的〈意〉戀情迷半自助晚餐，其中的「冰鎮海鮮吧」，被譽為必食回本之部份，那膏肥厚身的麵包蟹，多肉多汁的阿拉斯加皇后蟹腳、冰島大蝦、皇冠螺、藍青口，即開生蠔，真係食唔切呀！加上港人至即造愛手握壽司及日本直送的時令刺身，只係海鮮呢part，女生就已經夠滿足，夠晒鮑啊！
必食回本冰鎮海鮮吧，有精選即開生蠔。
見到厚膏麵包蟹，好興奮呀 !
當然叫得做〈意〉戀情迷半自助晚餐就一定有意大利元素，前菜有意大利風乾火腿配蜜瓜、意式肉醬焗薯皮、蟹肉海鮮餅、保雲酥焗青口，見到密密麻麻既菜放得滿滿，就明白點解咁多人鐘意食自助餐囉！平時點樣做野辛苦，見到咁多美食，又幾治愈架！沙律吧部份則有大廚自家製紫酥醬野菌沙律、意大利香草麵包沙律等，仲有大把汁醬配菜比我地揀，自己砌得靚靚，哈，扮晒大廚添！
出色芝士和冷盤任你食。
記得呢個係半自助晚餐黎架！唔好忘記Forte餐廳係以優質肉扒出名，黎食自助餐，就可以選擇好多，真係好多款既鹽燒美國頂級牛仔骨、澳洲M5和牛肉眼扒骨、澳洲穀飼牛肉眼扒等，而家係玩意式理念，所以有加推4款意式主菜，包括焦香撲鼻的意式孜然香辣烤石斑魚柳、輕型之選海鮮意大利飯釀魷魚筒、意式菠菜藍芝士酥皮包及龍蝦汁香煎帶子意大利雲吞，而我同我班朋友都係識食之人，加小小錢就可以食到威靈頓鴨肝宮崎和牛柳（A4級）、純種韓牛西冷扒（1++級）、澳洲M5和牛肉眼扒，帶小朋友去都有兒童餐單好似香草野菌闊條麵同埋鮮茄意大利長通粉，一家大細都可以各自滿足。
扒類多到樣樣都想食。
當大家密密享受美食之間，現場會有啷啷鈴聲，原來廚師會即場炮製火焰卡邦尼意粉、泰式咖哩炒蟹、泰式辣椒膏炒青口、花彫醉虎大蝦等等菜色，有得食有得睇，真係幾吸引呢！最正既係有齊我至愛的甜品，尤其係意式甜品，意大利芝士餅、意大利奶油甜酥卷、意大利堅果脆餅等，當然還少不了朱古力噴泉、杯裝Häagen-Dazs ，雪糕及覆盤子奶凍添。
威靈頓鴨肝宮崎和牛柳(A4級)
海鮮意大利飯釀魷魚筒
龍蝦汁香煎帶子意大利雲吞
咸豬手皮脆肉香。
剩係配扒既汁醬就有12種之多呀!
甜品多到數唔晒!
尋晚我自己有幾樣特別encore幾次，就係無味精超級好味的中式湯紅青蘿蔔煲豬展、流沙奶黃餃子，我比成個〈意〉戀情迷半自助晚餐十分！
憑Openrice優惠券惠顧半自助晚餐，星期日至四及公眾假期可享82折優惠，星期五至六及公眾假期前夕可享87折優惠! 領取優惠券:http://goo.gl/BZtN9f
憑Openrice優惠券惠顧半自助晚餐，星期日至四及公眾假期可享82折優惠，星期五至六及公眾假期前夕可享87折優惠! 領取優惠券:http://goo.gl/BZtN9f
「意戀情迷」半自助晚餐（即日起至3月31日晚上6時30分至9時30分）
如心艾朗酒店 | forte
地址：香港觀塘創業街38號2樓（港鐵牛頭角站B6出口）
預訂及查詢：3968 8222|6508 0975（WhatsApp）
#L'hotelélan如心艾朗酒店
留言
張貼留言