抵食高質越色下午茶 炭燒大頭蝦好滋味
安南越南餐廳在利園一期四樓，環境開揚，坐得好舒服。
過完個農曆年，想搵番啲東南亞 feel 美食，女友人帶我去銅鑼灣 安南越南餐廳，食一頓飽到晚飯都唔會食得落嘅越式下午茶，兩位用加埋都係HK$298（平日）／HK$328（周末）另加一服務費，真係百幾蚊有好幾鹹、甜點，包括安南春卷、越式蒸粉卷、鮮蝦米紙卷、南乳雞翼、香茅雞肉蝦片、炭燒大頭蝦（每位半隻）；隻大頭蝦好厚肉，又多膏，個汁辣辣鹹鹹的好惹味，平時單點一隻蝦要百幾，而家同個 friend share，最緊要係品質比一般小店高，少一點無謂添加，原材料亦好新鮮，仲有咁多越式小食，個 tea set 一啲都唔單調㗎！另外甜點方面有斑蘭拉椰糕、越南咖啡奶凍、椰汁粟米糯米、椰青果凍；款款都不是太甜，但清甜可口，啖啖椰香。Tea Set 包一杯飲品，有荔枝特飲、越式清補涼、越南咖啡、熱鹹檸蜜可選，冷熱皆可。最欣賞那杯越式清補涼好足料，滿滿的涼粉和鬆化蓮子，食完慢慢嘆下午後時光才是下午茶的真諦啊！吃完架上小食，侍應哥哥問我倆揀那款越式檬粉，有安南牛肉湯河粉、扎肉撈檬粉可選，哇！吃完，真係要打電話比阿媽，叫佢唔使預我晚飯呀！
炭燒大頭蝦多膏又juicy！
南乳雞翼、香茅雞肉蝦片脆口又惹味。
斑蘭拉椰糕、越南咖啡奶凍、椰汁粟米糯米、椰青果凍，每款各有特色。
熱飲之選：越南咖啡、熱鹹檸蜜。
安南 An Nam
地址：銅鑼灣希慎道33號利園一期4樓
訂座電話：27873922
留言
張貼留言