圓圓優悠日記 Be a Happy Girl

過了今個星期，自己接了個新 project，平時歎慣的我，都要重新投入全日八小時工作，趁未番工，跟公關大員 weekdays 吃了個 lunch buffet，仲要係在 Ritz Carlton 嘅 Café 103。 向著無敵維港景唔在講，平時星期一至五 HK $388 可以食到最高級的酒店自助午餐，就性價比合理了！來到見到許多穿著西裝的行政人員，亦有一副像老板相的，舒舒服服的傾下食下，搞到我諗起那位高爾夫大聯盟召集人劉性男士論述，若收回球場，銀行和投資者將失去傾生意嘅地方，真係笑死我隻貓！計我話，坐喺呢個 103 樓 Ritz Carlton 嘅 Café 103 仲舒服，環境清靜，人人都好有禮貌，唔會好大聲講話，兼唔會曬親，真係唔知啲人讀咩書，用咁嘅理據黎死撐。 講番個 Café 103 ，以前多在呢處食 Afternoon Tea，點知自助午餐原來款式好多，尤其係個車仔麵檔，可以自己揀料同麵比師傅𤀼，另外有炆好嘅豬手任你食，我揀左魚蛋、墨魚仔同帶子，件帶子成吋厚，爽口又鮮味，質素真係比一般酒店唔同，材料屬高檔，咬落就知係好東西。另我最愛嘅係甜品，款多又時常添新蛋糕、果凍，布甸，拿破倫餅，總之我就每樣試小小咁，捧著個肚走。 中午來說，選擇好多，並不時有新款菜推出。 魚生、蟹脚、鮮蝦、扇貝，冷盤也好豐富。 冷盤最緊要新鮮，高級優質嘅鮮蝦、扇貝，確保唔會食壞人。 見到粒帶子成吋厚，就知道用料闊卓。 炆豬手，軟稔適中。 這一餐坐得舒服又滿足。 烤好的牛柳和羊脾好 juicy。 海鮮酸辣湯，好飲過在上海食肆水準參差。 老撾辣魚、鴨胸、由印度廚師弄的 curry beef，好惹味。 芒果小布甸和乾果蛋糕，絕對記得要吃。 芝士蛋糕等甜點好出色。 咁舒服嘅環境傾生意一流。 來吃中午自助餐可額外以每位港幣 $100享用無限供應的指定有氣葡萄酒、紅酒、白酒、橙汁及汽水，同朋友來就可以繼續坐得舒適又可以傾下計食好西！ Café 103 – 103樓 時間： 星期一至五（下午12時至下午2時） 價錢： ☆成人每位 HK $388 加 10% 服務費 ☆成人每位 HK $488 加 10% 服務費 – 包括指定有氣葡萄酒，紅酒，白酒，橙

作為土生土長嘅香港人，「香港地」嘅特色一向都是我哋引以為傲的！尤其係「香港地」嘅港式風味，呢啲好味又有特色嘅小食、菜色，聞名全世界，平時食得多國際式自助餐，今個月直至 3 月31 日 「情繫香港地」 自助晚餐在石門站 「沙田萬怡酒店」 有得食，有好受歡迎嘅「避風塘」海鮮美食。其實從前香港就正正是一個漁港，漁民在避颱風時在漁艇甲板下都存有海鮮及一些姜蔥蒜之類的配料，避風塘風味就是靠這樣的配料來烹調，今趟  MoMo Café 推出 「情繫香港地」 自助晚餐，特別包括避風塘炒蟹、辣酒煮花螺、豉椒炒蜆、椒鹽海螳螂，炸好的蒜蓉，甘口焦香，脆而不煳，蒜香味與辣味、豉味結合，味道濃郁，越食越開胃，越食越惹味。 而港式本土風味有廣東燒味，「沙田萬怡酒店」的餐廳師傅自家製鹵水乳鴿、黑糖豉油雞，另屬street food的車仔麵、香煎蠔仔餅、香煎海鮮韭菜薄撑、魷魚鬚，甚至乎地道菜色好似三巴丈雲耳蒸滑雞、臘腸蒸肉排、老干媽蒸茄子，屋企有算有無飯主婦到冇有怕。 避風塘風味海鮮任你嚐。 當然都要顧及愛好自助餐供應嘅國際美食，如冰鎮海鮮：麵包蟹、泰式生蝦、法國黃金螺、東風螺、墨魚仔 等，每日精選烤肉有烤西冷牛扒、牛肩肉、肉眼扒、鹽焗三文魚、蕉葉紅魚，香味四溢，輪流登場，還有泰式手撕雞青瓜沙律、西梅豬柳巻配砵酒蜜糖汁、什錦海鮮金寶，加上多款精選新鮮刺身及壽司等，又或是充滿童年回憶的白糖糕、古早皮蛋酥、即席炮製的港式雞蛋仔、茶走奶凍、中式糖水，豆腐花，仲有Häagen-Dazs雪糕，真係大人細路都鍾意㗎。 自選食材嘅車仔麵檔，加埋即日燒味，炮製多 餸 車仔麵。 將冰鎮海鮮自製好味沙律 白糖糕、雞蛋仔、茶走奶凍、充滿 港式味道。 有Häagen-Dazs雪糕，正呀！ 農歷新年期間會推出發財蠔豉 、盤菜、及佛跳牆 等應節菜色，睇見就想食。 唔使自己煮，阿媽一定最開心！ 著數優惠： ★2019年1月1日至1月31日期間，每位顧客惠顧國際自助午餐，可無限添飲咖啡或茶，以及特飲一杯；自助晚餐時段，可無限添飲咖啡、茶及特飲。  ★於2019年1月1日至2月28日期間，每位成人另加港幣$58，可於國際自助午餐或自助晚餐時段無限添飲生力啤酒。  「情繫香港地」 自助晚餐  供應日期：2019 年1月1日至 3月

過埋年尾，就快變係豬年，如果我做零售都會諗下點樣可以令件商品增加吸引人的元素，在石門的 「 沙田萬怡酒店 」 ，今年利用小豬的可愛臉，由酒店中菜師傅團隊巧手設計了六款唔同口味嘅 「小豬團圓」賀年年糕 ， 以不同配搭，一盒六件獨立包裝，三款組合推出，方便我呢啲心多多嘅客人選購。好似我有小朋友嘅家人，見到個豬臉就更加興奮；平時見到年糕就耍手兼擰頭嘅兒甥女，見到盒裡面藏著個肥嘟嘟嘅樣，都嚷著要帶隻豬番屋企呀！ 「小豬團圓」賀年年糕 由 $128至$138/六件 個個唔同顏色，好可愛呀！ 六款滋味賀年年糕組合包括： 金豬報喜 ﹝$138/六件﹞ - 以D24榴槤肉製成年糕，口味創新，打開禮盒即時榴槤飄香，喜愛果王的朋友絕對不能錯過。  豬圓玉潤 ﹝$128/六件﹞ - 包括濃香抹茶及原味年糕，去年口碑不俗的蜜餞柚子今年載譽歸來，每一口都充滿清香柚子肉，以上口味每款兩件。  豬事大吉 ﹝$128/六件﹞ - 大廚明白新春定會吃多了油膩食品，今年新出番石榴和血橙味，再配搭原味年糕，為您清熱潤喉，以上口味每款兩件。  別出心裁的「 小豬團圓」賀年年糕 現已發售，於2019年1月20日，今日前訂購及付款可享有9折優惠。 訂購及查詢： 香港沙田萬怡酒店 地址：香港新界沙田安平街1 號香港沙田萬怡酒店2 樓  電話：+852 3940 8788

又要諗去邊處食年夜飯，春茗等新春飯局，而家係屋企叫盤菜都唔平啊！朋友告訴我油麻地 「城景國際 樂雅軒」 由1月21日起推出 新春撈起全饗宴 ！每位只需  $368起  即可嚐到濃厚節日氣氛的賀年菜，包括新春撈起拼盤、竹笙螺頭功夫湯、黄金脆蝦球等11款意頭菜，席間更無限供應指定啤酒、紅白餐酒及汽水，直頭抵到無朋友！ 新春撈起全饗宴 新春撈起拼盤 如魚得水－竹笙螺頭功夫湯 哈哈大笑－黄金脆蝦球 好事大利－蠔豉炆豬脷 身體健康－金勾瑶柱銀絲雜菜煲 年年有餘－女兒紅蒸斑球 鴻圖大展－桂花糖吊燒雞 五穀豐收－荷葉臘味糯米飯 金銀滿屋－流心煎堆仔 笑口常開－笑口棗 喜氣洋洋－棗茸百合燉桃膠 新春撈起拼盤  － 新春撈起，豬年風生水起！「撈起」這道菜色是東南亞華人過年不可缺少的賀年菜色之一，也是家庭聚會的賀年必備菜式，其靈魂就是三文魚魚生，象徵風生水起、生生猛猛！其他配料包括甘筍絲、蛋絲、葱絲、青瓜絲、酸薑、薄脆、蕎頭等，加上自家調配之芝麻汁，鮮味無窮！最重要的是同桌的人進食時拿雙筷子盡情把食材撈起撈勻，撈得愈高愈好，寓意大家都在新一年撈到風生水起，夠意頭之餘，吃團年飯的歡樂氣氛更高漲！ 哈哈大笑（黄金脆蝦球） － 選用肉質彈牙、味道鮮甜的花竹蝦，蝦肉醃製後放入咸蛋黃攪至起泡，再快炒至金黃色。黃金脆蝦球炸得鬆脆，鹹蛋黃有效提升蝦球鮮味。 如魚得水 （ 竹笙螺頭功夫湯 ） － 選用營養價值極高的竹笙及滋陰鮮甜的螺頭一起於紫砂茶壺煨燉製4小時，燉湯盡吸食材精華，香氣四溢。紫砂茶壺有效保持燉湯熱度，特別適用於冬天飲用。 年年有餘 （女兒紅蒸海斑球） －將已熟的金華火腿茸放於石斑上一起蒸約10分鐘，讓石斑柳吸收金華火腿之鹹香，將石斑蒸煮後之魚汁加入特别調製的女兒紅淋於魚上，即可上枱。此做法不但能保留海斑之原汁原味，也能嚐到女兒紅的馥鬱芳香。 每位港幣 $368* (已包茶芥，最少四位起，只限堂食) 席間無限供應指定啤酒、紅白餐酒及汽水 *另加一服務費 供應期：2019年1月21日至2月19日 查詢及預訂，請聯絡 樂雅軒: 852-2783 3286 地址: 香港九龍窩打老道23號城景國際1樓 (港鐵油麻地站A2出口)

平時新年一定有蘿蔔糕食，不過如果屋企有小朋友就要兼顧佢地嘅喜好，食得健康又唔肥！延續 「城景國際」 每年推出之招牌 十勝紅豆糕 ，今年以泰國金菠蘿搭配日本十勝紅豆製作。糕點內充滿紅豆粒和鮮菠蘿肉，小朋友一定鍾意。另外去年大受歡迎的 金箔杞子桂花沖繩紫薯糕 ，以日本沖繩紫薯作為底層，中層為以桂花糖、雲南有機杞子及金箔製作之啫喱凍，最後以紫薯糕作頂層，層次分明。紫薯最適合老人家吃，材料對預防高血壓，抗氧化兼護眼。至於 金瑤臘味蘿蔔糕 就係一向農曆年少不了的糕點，師傅用優質瑤柱、蝦米、臘味及蘿蔔，口感味道均一流，我 自己未過年已經KO了三盒！ 明天  1  月 20 日前訂購，仲有好抵優惠，快啲預訂啦！ 金瑤臘味蘿蔔糕 （每盒售價）HK$188 （預購優惠）HK$138 金菠蘿十勝紅豆糕 （每盒售價）HK$208 （預購優惠）HK$168 金箔杞子桂花沖繩紫薯糕 （每盒售價）HK$208 （預購優惠）HK$168 雙式賀年糕點A （每盒售價）HK$288 （預購優惠）HK$228 【金瑤臘味蘿蔔糕 及 金菠蘿十勝紅豆糕各1個】 雙式賀年糕點B （每盒售價）HK$288 （預購優惠）HK$228 【金瑤臘味蘿蔔糕 及 金箔杞子桂花沖繩紫薯糕各1個】 新春賀年糕點可於 2019 年 1月 20 日至 2 月 4 日上午 10 時至晚上 9 時於 「城景國際」Amazing Bakery 領取。 金菠蘿十勝紅豆糕 金瑤臘味蘿蔔糕 金箔杞子桂花沖繩紫薯糕 查詢及預訂，請聯絡 樂雅軒: 852-2783 3286 地址: 香港九龍窩打老道23號城景國際1樓 (港鐵油麻地站A2出口)

自己並不是買生果要專登去油麻地果欄嘅人，雖然種類多，但唔就近地鐵站，又無架缽缽車可放一箱二箱矜貴生果；我呢啲平民百姓都係鍾意去方便自己的地方買，只要係新鮮、好味，拎架購物車就可以滿載而歸了！臨近農曆新年，平時專賣臺灣食品嘅佐敦 永安百貨 ，由 10/1 （星期四）開始，就有 「春節臺灣水果嘉年華」 ，一直至 21/1 （星期一） 。 聽講今次有一些在香港少見的臺灣特有水果，尋日圓圓就去了 永安百貨 的地庫層 臺灣食品廣場 巡視一下。唔知一般人有沒有吃過新鮮的蜜棗呢？又例如平時好矜貴嘅鳳梨釋迦 ？唔講真係唔知啊！原來食生果可以有助心血管健康。樣子有點像釋迦牟尼頭像的釋迦，鉀含量高，可以控制血壓，其次磷含量高，蛋白質也較一般水果多，所以很適合年長人士食用，樣子雖有點怪，但其實是個寶呀！至於新鮮的蜜棗，其纖維質比蘋果高很多很多，每百克有 1.8 克的膳食纖維，可以舒通腸道，幫助排毒順暢，常吃可降低膽固醇，能預防中風， 1 粒蜜棗就有約 45 毫克維他命 C ，是富士蘋果的 22.5 倍，豐富的維他命 C 與蛋白質，有助於膠原蛋白合成，熱量低，適合糖尿病患者食用。咁我就放心比心臟通過波仔，兼患有糖尿病的母親大人吃了！ 見到生果就興奮！ 買了來自屏東的菠蘿，返家切開，大口甜到漏呀！最有驚喜的是那台中的蜜蘋果，咬落去，蘋果香比平日吃到的真差距十萬八千里！自己會推薦有益又有營養的台東鳳梨釋迦、燕巢的蜜棗和珍珠芭樂、東勢茂谷柑、屏東的鳳梨和黑珍珠蓮霧、台中蜜蘋果、又滑又甜嘅美濃木瓜；四季都吃生果，可以幫助增進健康，補充水份，人都靚啲㗎！ 生果食得多，人都靚好多！ 釋迦內含豐富維生素 C 、蛋白質、鐵、鉀、鈣、磷等，助於調節血壓、促進腸胃蠕動。 燕巢蜜棗好甘甜、脆蜜又可口，含有豐富的维他命及果膠，營養價值高。 東勢茂谷柑：皮薄味美，甘甜多汁，飽滿可愛的外形，象徵吉祥好運、大吉大利。 我都要買來為新春添喜氣！ 永安百貨的臺灣水果推廣區 ，種類繁多，有排揀呀 ！ 著數提提你！由即日起至21/1（星期一），凡於 永安百貨 彌敦道店地庫層的 臺灣食品廣場 及 臺灣水果推廣區 購物滿 HK$199或以上（淨值） ，即可獲贈臺灣高麗菜，送完即止。展銷期間，於 臺灣食品廣場 購買臺灣指

喜歡小丸子，因為我的童年就在70年代，有點像她，愛和姐姐爭吵，愛睡懶覺，對功課臨急抱佛腳，有個心儀又時常幫自己忙的男同學，所以見到小丸子的故事就特別有共鳴。之前中秋節奇華餅家以 「櫻桃小丸子」 的形像造月餅，圓圓已經趕緊去 奇華工作坊 學整餅；今個新年， 奇華工作坊 在新春期間再度同 「櫻桃小丸子」 玩 crossover，推出新春限定 「櫻桃小丸子臘味蘿蔔糕及紅棗糖年糕」 課程，我當然要第一時間舉手參加啦！聽講第一輪的課程經已爆滿，今日1月5號係第二輪網上登記，最後一輪會在1月9號，大家想開心學整糕，就要趁早報名了！當然亦都可以買一系列小丸子的期間限定賀年糕點和靚到飛起嘅揮春等禮品啦！有小丸子個嘜頭，睇見就開心晒！ 那天到了灣仔奇華餅家特色旗艦店二樓的 奇華工作坊 ，看見朋友仔們都充滿童心，好興奮呀！由駐場大師傅講解材料、工序，用簡單嘅方法教我地整港式臘味蘿蔔糕；臘肉、臘腸切粒再焗，屋企冇焗爐的就用鑊來炒香，原來加兩匙麻油，三分一的蘿蔔切條，可以加添口感㗎！至於紅棗糖年糕，製作過程就要人手將紅棗磨成棗蓉，訓練小朋友要有耐性就最好。經過搓、撈、攪的過程，就完成了兩款賀年糕點，放落靚到人人都羨慕嘅 「櫻桃小丸子紙盒」 ，大人細路都好滿足！ 圓圓在 奇華工作坊 弄 的 港式臘味蘿蔔糕 製成品 大家都好認真聽師傅講解 師傅示範焗臘味 師傅你要睇著我，我好亂呀！ 港式臘味蘿蔔糕的材料 自己整出來的特別好味 紅棗糖年糕 的材料 親手慢慢捽到 紅棗起蓉 最後用機搞到變漿 蒸好啦！ 好多賀年食品 有小丸子嘜頭嘅精品 呢兩款小食係師傅親自研製而成 食糕配珠姐XO醬，味覺可以提升到另一個層次 雖則一把年紀，仍要保持童心啊 ！ 呢底素香菇蟲草花 蘿蔔糕，最啱素食人士   課程亦會附送總值超過港幣80元正的櫻桃小丸子精品，包括 「櫻桃小丸子A4文件夾」、「櫻桃小丸子揮春」（一套四張） 及 「櫻桃小丸子利是封」 （一套十個）乙份，櫻桃小丸子及花輪同學分別換上旗袍、唐裝，造型醒目又可愛！ 個 利是封好靚呀 ！ 奇華工作坊另設 「臘味芋頭糕及賀年油角班」 、 「迷你合桃酥及腰果切片曲奇班」 讓我